Cara Menolak Lamaran Kerjaan Seseorang (Javanesse Style)

Alkisah di sebuah perusahaan besar di kawasan
Keprabon, tengah melakukan beberapa tes wawancara
untuk “*tidak*” menerima calon karyawan baru, tentu
saja salah satu prasyaratnya adalah harus berbahasa
EJD (Ejaan Jawa yg nDaksempurna) ..

Bagi yang tidak memahaminya nggih nyuwun sewu …
Boso Jawi …Meniko
G : Kowe nduwe omah opo ora…..?
a : dereng….
G : Wah kowe ora iso ketompo nang kene
a : Lho kok ngaten…… ..?
G : Mengko kowe mesthi ngajukne utang nang perusahaan.
..
a : Ah.. mboten kok, Sak janipun tiyang sepuh kulo
niku sampun sugih.
G : Yo malah ora ketompo
a: Lho kok ngaten…..?
G : Mengko kowe kerjo mung nggo hiburan, nongkrang
nongkrong ae.

G : Kowe nduwe motor opo ora….?
b : Mboten. ….
G : Ora ketompo ….
b : Lho kok mboten ketompo ?
G : Mengko kowe mesthi njaluk bantuan kredit. …
b : Sak janipun gadhah, ning tasih ten kampung, gampil
mangke kulo beto ngriki.
G : Wah malah ra ketompo….
b : lho kok ngoten ………
G : Tempat parkire wis ra cukup…kebak banget.

G : Kowé wis lulus sarjana tenan…..?
c : sampun pak….
G : Ora ketompo, kéné iki golék sing SMA aé, luwih
manutan lan bén mbayaré murah
c : Sak janipun kulo tasih badhe skripsi
G : Malah ora ketompo…..
c : Lho kados pundi to….?
G : Mengko kowé kerjo mung ngetik skripsi, lék wi s
lulus mesti golék kerjo neng perusahaan liyo.

G : Kowé seneng guyon opo ora ?
d : Mboten pak, kulo serius nék nyambut gawé.
G: Ra ketompo…..
d : waa……kok ngoten?
G : Engko konco koncomu lan anak buahmu podho stress.
d : Sak jané nggih sekedhik sekedhik seneng guyon.
G: Malah ora ketompo.
d : Lho kok……
G: Engko kowé mung mbanyol ae gaweyanmu… ….

G : Kowé mau mréné numpak opo ?
e : Nitih mobil …
G : Kowé ora ketompo
e : Sebabipun ?
G : Saiki BBM mundhak terus, mengko kowé njaluk
mundhak bayar terus
e : Wo, kulo wau namung mboncèng, kok ….
G : Tambah ora ketompo
e : Lho, lha kok … ?
G : Mengko mung gawéné mboncéng mobil kantor. Ngrusuhi
!

G : Anakmu akèh opo sithik ?
f : Kathah pak
G : Kowé ora ketompo
f : Sebabipun ?
G : Nyambut gawemu ora jenjem, mung mikir gawe
uanaaaaaak terus
f : Lha wong namung anak adopsi, kok.
G : Tambah ora ketompo
f : Lho, lha kok … ?
G : Gawé anak baé aras2en, opo manèh nyambut gawé

G : Kowé wis ngerti gawéyanmu durung ?
h : Dèrèng
G : Kowé ora ketompo
h : Sebabipun ?
G : Arep nyambut gawé kok ora ngerti gaweyané ?
h : Oo, nèk damelan niku mpun ngertos kok
G : Tambah ora ketompo
h : Lho, lha kok … ?
G : Kowé rak mung arep keminter, to ?

G : Kowe ngerti kahanan kantor kéné durung
k : Dèrèng
G : Kowé ora ketompo
k : Sebabipun ?
G : Arep nyambut gawé kok ora ngerti kantoré ?
k : Wo, sekedhik2 mpun ngertos kok
G : Tambah ora ketompo
k : Lho, lha kok … ?
G : Kowé senengané ngudhal-udhal wewadi kantor, to ?

G : Kowé kerep loro ?
m : Mboten
G : Kowé ora ketompo
m : Sebabipun ?
G : Mesthi kerep mbolos, wong arang2 gering
m : Wah, sakjanipun nggih asring
G : Tambah ora ketompo
m : Lho, lha kok … ?
G : Kantor iki ora nompo karyawan penyakiten.

G : Kowé biso main Internét ?
n : mBoten
G : Kowé ora ketompo
n : Sebabipun ?
G : Perusahaan ora nompo BI (Buta Internet)
n : Wah, sakjanipun nggih saged
G : Tambah ora ketompo
n : Lho, lha kok …
G : Mesthi ora bakal nyambut gawé, kakèhan dolanan
Internet, to?Ngenték-entekké pulsa !

G : Kowe waras opo ora?
o : Lha, kulo nggih waras to Pak.
G : Ra ketompo….. ..
o : Kenging nopo …..?
G : Mengko kowe mesthi ora krasan neng kene.
o : Niku rumiyin Pak, sakmeniko sampun rodo edan.
G : Malah ra ketompo….. .
o : Pripun to niki….?
G : Mengko aku duwe saingan….. …..

~ oleh selaludidepan pada Juni 10, 2009.

5 Tanggapan to “Cara Menolak Lamaran Kerjaan Seseorang (Javanesse Style)”

  1. waladalah…… wah guyonane kuwi pancen nggateli… tapi apik tenan boss…
    Nice post

  2. asu tenan boz guyonane

  3. Guyonannya asli nggateli….^_^ sakjane awake peno asline endi ? aku teko jombang tp kuliahe nang malang

  4. Mirip Ki Broto rek
    salam

  5. asli suroboyo bes, tapi saiki lagi merantau nang lampung

Monggo dikomen

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

 
%d blogger menyukai ini: